Ragnhild Kolden: Krig 2023. Roman

 Dette er første del av tobindsverk om den tyske okkupasjonen og krigsoppgjeret i Noreg. Tidelegare har Kolden skrive romanar om krigen, I krig og kjærleik, Krigens skugge og Fredens frosne hjarte, sterke historier om tre søstre, og korleis krigen påverkar folk på ulikt vis. Det er noko av det same temaet som er teken opp i dei nye bøkene også. 

Frå forlaget "Det er våren 1940. Gabriel Bratt ventar på bussen heim til familiegardenda tyske bombefly blir synlege mot himmelen. Verdskrigen kjem dundrande som ei øydeleggjande kraft over Innerdalen, og snart held ein tropp tyske soldatar og NS-folk i sentrale posisjonar befolkninga i eit kontrollerande grep. Søskena Gabriel, Gunnar og Margot skal bli varig merkte av okkupasjonen på kvar sitt vis når tilsynelatande små og ubetydelege handlingar får dramatiske konsekvensar for dei og menneska rundt dei. For korleis skal ein handle når det å hjelpe ein ven kan sende deg til fangebrakkene i Sachsenhausen? Når det å oppsøkje ein barndomskamerat kan føre deg rett i hendene på Gestapo? Eller når feil svar kan utsetja deg for den verste pine?"

Vi er i ei lita bygd, der alle kjenner alle. Når krigen kjem, vil det etter kvart vise seg at ikkje alle har same meiningar om det som skjer.  Kva er propaganda, kva er faktiske nyheiter ein kan lita på. Sterke personlegheitar med mykje makt i bygda vert vener med tyskarane, og bygdefolket må etter kvart ta val. Folket vert usikre, kven kan ein lita på.  Brødre går kvar sin veg, folk forsvinn, ingen veit kvar. Nye treffpunkt dukkar opp, ikkje alle vil vere på kafeen der tyskarane er.  Det handlar om nascisme og motstand mot okkupasjonen.

Det er ei historie som ikkje er ukjent, vi har lese om dette før. Men Ragnhild Kolden har eit måte å fortelje på som gjer boka svært lesverdig og spanande.  Her ligg mykje sårhet, sorg og sinne. Vi kjem in

n på dei ulike personane slik at vi kjenner dei, dette er truverdig. Dei fem krigsåra set preg på alle, og det vesle bygdesamfunnet vil aldri bli det same. 

Ein roman eg las med stor interesse og glede, trass i det alvorlege temaet. Det som skjedde under krigen, og det oppgjeret som kom etterpå, har vore mykje omstridd, og er det framleis i dag.  Så lenge det handlar om menneske, finns aldri ein facit. Så slike bøker som denne, blir aldri avleggs. Ser fram til neste bok av Ragnhild Kolden!

Samlaget

2023

394 sider

Lånt på bibloteket